తాను త్వరలో క్రియాశీల రాజకీయాల్లోకి వస్తానన్న మోహన్బాబు వ్యాఖ్యలపై ఆయన కుమారుడు, సినీ హీరో విష్ణు స్పందించాడు. నాన్న రాజకీయాల్లోకి రావడం తనకు ఇష్టం లేదన్నాడు. ఓ టీవీ చానెల్కు ఇచ్చిన ఇంటర్వ్యూలో విష్ణు పలు విషయాలపై స్పందించాడు. తమతో కలిసి సినిమాలు చేస్తూ ఆనందంగా గడపాలనుకుంటున్నామన్నాడు. తన సినిమాకు సంబంధించిన ప్రతీ స్క్రిప్ట్ను నాన్న వింటారని తెలిపాడు. స్క్రిప్ట్ విషయంలో ఆయన తీసుకునే నిర్ణయం కచ్చితంగా ఉంటుందన్నాడు. అయితే సినిమాలు ఫెయిల్ అవడం దర్శకత్వ లోపమేనని విష్ణు వ్యాఖ్యానించాడు. నటులందరూ దర్శకుల చేతలో కీలుబొమ్మలనీ, వారు చెప్పినట్లే తాము చేస్తామని చెప్పాడు. ఇటీవల తాను నటించిన రౌడీ, అనుక్షణం సినిమాలు నటుడిగా సంతృప్తి కలిగించాయని అన్నాడు.
Post a Comment